呢個校長好無賴！

「被迫簽名的人」來郵

校長和成班高層在迫教師簽名會，足足講咗一萬次正在從正當途徑、合法途徑刪走第二個網址，不打自招了，終於認第一次是非法入侵啦？網主無冤枉校長啦？副校話係打電話去網公司---校長話唔係咁，網主所指的手下係佢本人---亞易主任又加入戰團話係佢做---------愈描就愈黑，解釋即係「掩飾」，成班夾唔到口供，一人講一樣，七嘴八舌，七零八落，七手八腳，七國咁亂，烏煙瘴氣------都唔知邊句真邊句假。

校長和成班高層駁斥網頁指控時，對有些指責避而不談，有些斷章取義，有些語帶恐嚇（副校話：小心半夜12點有人打電話來---小心九仔隊---）總之嚇你餐飽------

法官和陪審團都要聽控辯雙方才可裁定，我地只聽一面之詞，校長就強迫教師簽名支持校長清白，擺明車馬強姦教師的意願。強迫教師簽名保證你品格，保得你一時，唔保得你一世。
校長強迫所有教師簽名唔認同網頁所講內容，呢個校長好無賴！